ఓంకారం 2021

నిర్వహణ

 శివునూరి లలితాకృష్ణ

 వీరా గుడిపల్లి

***********************

1.డా.కమలాదేవి గారు

2.వాణి సరోజిని లక్కరాజు గారు

3.వురిమళ్ళ సునంద గారు

***************

1

[26/09, 8:07 pm] Lalita Sister: కవితాగానం

తేది : 25-9-21

అంశం : ఓంకారం

శీర్షిక : ఓంకార మహత్తు

అత్యంత మహిమాన్వితమైన

మంత్ర రాజం"ఓం"

ఏకాక్షర మంత్రమిది

శక్తివంతమైన మంత్రం

'ఓం,ఓమ్,లేదా ఓంకారం

త్రిమూర్తి స్వరూపం

పరమాత్మకు శబ్ద ప్రతీక 'ఓం'

బ్రహ్మ, విష్ణు,శివుల ప్రతిరూపమే ఈ ప్రణవం

సంపూర్ణ జగత్స్వరూపం 

అకార, ఉకార,మకార

మూడక్షరాల శబ్ద స్వరూపం

జగత్తులోని మూడవస్థల

ప్రతిరూపం

జాగ్రదావస్థకు 'అ'కారం

స్వప్నావస్థకు 'ఉ'కారం

సుషుప్తావస్థకు 'మ'కారం

ప్రతీకలు

హిందూ సంప్రదాయమేకాదు

బౌద్ధ, జైన మతాలలోను 

ఉంది ఓం కార ప్రస్తావన

ఆధ్యాత్మికశక్తి యుతము

వేదోపనిషత్ ప్రాశస్త్యము ఈ మంత్రం

అవినాశము, వినాశము లేనిది

శాశ్వతమైనది

సృష్టి, స్థితి,లయల స్వరూపం

ఓం కారం లేని పూజ లేదు

విఘ్నాలకు  అధిపతి వినాయకుని స్వరూపమట

ప్రథమ స్థానంయోగవిద్యలో 

అత్యంత ప్రయోజనకారి

ఆరోగ్యకారి

కలిగిస్తుంది మనశ్శాంతిని

చిత్తశుద్ధి కారి.

ఎంతో మార్పుతెస్తుంది జీవనవిధానంలో

"ఓం" కారమంత్రజపం

తొలగిపోతాయి నకారాత్మక భావాలు

పరిశుద్ధమవుతుంది మనసు

లభిస్తుంది మానసికారోగ్యం

తద్వారా శారీరిక ఆరోగ్యం

జపించండి ఓం కార మంత్రాన్ని అనునిత్యం

పొందండి మనశ్శాంతిని

జీవించండి

ఆరోగ్యానందాలతో

పేరు : డా.కమలాదేవి

ఊరు : న్యూఢిల్లీ

చరవాణి : 9871096566

పైకవిత నా స్వంతం. అనుకరణ అనువాదం కాదు.

2

[26/09, 8:53 pm] +91 94910 54829: 26-9-21 ఆదివారం

కవితా గానం   సీజన్-2

అంశం. ఓం కారం

రచన. వాణి సరోజిని లక్కరాజు

విజయవాడ

ఆ.వు.మ.సమాహారం

పరమేశ్వరుని ప్రణవనాదం

నింగిన నినదించిన  ప్రకృతి  రాగాలాపన

సామవేదానుసంధానం.

నవరసభరిత. జీవరాగఝరి ఓంకారం.

విశ్వాంత రాళంలో ప్రతిధ్వనించే మహానాదం

పంచభూతాలలో ఆకాశానికి.  ప్రతినిధులుగా

ఓంకార. శబ్ద తరంగాలు.

మంత్రానికి ఆయువుపట్టు.

పూజలకు తొలిమెట్టు.ఓంకారం.

వినాయకుని అంతర్గత రూపం

త్రిమూర్తుల ఆత్మ స్వరూపం

 మానవుని అంతరాత్మ నినాదం.

మనిషి యొక్క జీవననాదం ఓంకారం.

పైకవిత నాస్వీయరచన

వాణి సరోజిని లక్కరాజు

వి జయవాడ.

3

[26/09, 9:32 pm] సునంద వురిమళ్ళ గారు: *కవితా గానం సీజన్ 2*

తేదీ:26-09-2021

పేరు వురిమళ్ల సునంద ఖమ్మం

*అంశం: ఓంకారం*

*******************

నీవే కదా మాలోని అహంకారాన్ని

పటాపంచలు చేసే సమ్మోహన నాదానివి..

నీవే కదా త్రికాల జ్ఞాన స్వరూపమై

మమ్మల్ని చైతన్య స్థితిలోకి తెచ్చే శబ్ధ తరంగానివి

నీవే కదా ముల్లోకాలను ఏలే

ఇంద్రాది దేవతలనూ

సూర్య చంద్రాదుల గ్రహాల గమనాన్ని నిర్దేశించే

అఖిలాండకోటి బ్రహ్మాండ నాయికవు!

 నీవే కదా

సర్వాంతర్యామివై అందరిలో 

వెలిగే దివ్య జ్యోతివి

నీవే కదా కాంతి వత్సరాలను 

శూన్యం నుండి అలవోకగా దాటి

అనంత మానవ జీవితానికి  జీవత్వాన్ని  ప్రసాదించిన జీవ కిరణానివి!

 నీవే నీవే నీవే

పెల్లుబికిన ప్రేమాతీత ప్రణయ రాగానివి

మరుజన్మ లేని ముక్తి ప్రసాదిత

ఓంకార నాదానివి

మనశ్శరీరాలను స్వస్థత చేకూర్చే దివ్య ఔషధివి!

మహిమాన్వితమైన ఏకాక్షర శక్తీ గీతానివి!

అచంచల భక్తి విశ్వాసాల జీవన వేద సౌరభవానిమి.

నిండు సంద్రంలో ఈదించే పడవ సరంగువు.

 *వురిమళ్ళ సునంద, ఖమ్మం*